Eksgeedziĝo

El Neciklopedio
Revizio de 03:50, 12 apr. 2017 fare de imported>Roberto eu mesmo (→‎Bezono)
(malsamoj) ← Antaŭa versio | Rigardi nunan version (malsamoj) | Sekva versio → (malsamoj)
Jump to navigation Jump to search

"Malkovri antaŭ iu sian koron"

~ Zamenhof pri eksgeedziĝo

"Pli helpas guto da feliĉo, ol barelo da saĝo"

~ denove Zamenhof

"Ha ! quante desfortunoza esas me !"

~ idisto pri antaŭ divorco

"Ni ne estu hipokritaj"

~ Eksgeedzoj

Eksgeedziĝodivorco estas formala, jura dissolvo de geedzeco (FELIĈO, FELIĈO!). Apud needz(in)iĝinta, edz(in)iĝinta kaj vidv(in)a, eksedz(in)iĝinta estas unu el la kvar civilaj statoj kutimaj en la plej multaj landoj.

Bonalingva noto

La nociojn "eksedziĝi", "eksedziniĝi" kaj "eksgeedziĝi" oni ankaŭ povas redoni per la unusola neoficiala verbo "divorci"; tiu novradiko tamen ne estas tre disvastiĝinta, kaj multaj konsideras ĝin nenecesa.

Bezono

Inter amikinoj: „Laŭdire vi eksedziniĝas, ĉu vi deziras advokaton? Mi havas unu konatulon.“

„Ne, mi havas jam instaliston.“

Vesto

„Kial vi aĉetas al la edzino novan veston, dum vi planas eksedziĝi?“

„Alimaniere mi ne devigos ŝin veni al juĝejo.“

Bedaŭre

- Min trafis terura plago -- plendas sinjorno al alia sinjorino.

- Kio okazis?

- Mia edzo forlasis min. Ĉu min povas ankoraŭ trafi pli granda tragedio?

- Jes, povas: se li revenos.

Dosiero:988 n.jpg
Ofta kialo por divorco: Esperanto

Biblio

Mateo 19:9

Sed mi diras al vi: Kiu forsendos sian edzinon krom pro malĉasteco, kaj edziĝos kun alia, tiu adultas; kaj kiu edziĝas kun la forsenditino, tiu adultas.

Bela tago

-- Aŭskultu Helena, hodiaŭ eble povus sukcesi la afero!
-- Kiu afero?
-- Nu, LA afero! Hodiaŭ tio povus sukcesi! Ĉu vi ne vidas? Bela, belega tago estas! Brilas la suno, la birdoj kantas kaj ĉio tia! Estas bela tago. Belega tago!
-- Pri kiu damnita diablaĵo vi parolas, Leonardo!?
-- Ne umu jam, Helenjo! Vi scias, ja vi mem diris... Vi mem diris, ke en iu bela tago vi ekdecidos, kaj vi malaperos.

Ho, ve!

-- Mi suspektas, ke mia edzo ne plu amas min tiel, kiel antaǔe.

-- Kial vi supozas tion?

-- Ĉar li ne venis hejmen... jam du jarojn.

Eksgeedziĝo kaj mono

La unua viro: Ve! Mia edzino prenis tuton de miaj posedaĵoj kaj forlasis min.
La dua viro: Vi estas feliĉa. Mia edzino prenis tuton de miaj posedaĵoj kaj ne forlasis min!

Sopiro

Viro iras viziti sian amikon de malmulte eks-edziĝintan, kaj miras, ke sur vando de lia hejmo estas alkroĉita portreto de lia eks-edzino.

- Kial vi metis tie la bildon de tiu virino, kiun vi tiom multe malbenis?!

- Ĉar, kiam mi sentos la sopiron edziĝi denove, sufiĉas al mi rigardi tiun portreton, kaj la sopiro tuj malaperos.

Kialo

Advokato: „Kiun motivon por eksedziĝo vi havas?“

„La edzo telefonis al mi, ke li foriras kun vicdirektoro deĵorvojaĝe kaj la vicdirektoro estis ĉe mi.“

Alie

Advokato: „Kial vi deziras eksedziĝi?“

Kliento: „Ĉar ekde la unua tago post la geedziĝo ŝi ĵetas je mi diversajn aĵojn.“

„Kiel longe vi estas edziĝinta?“

„Dek du jarojn.“

„Kaj kial vi deziras eksedziĝi nur nun?“

„Nur antaŭ dek kvar tagoj ŝi komencis trafadi min.“

En tribunalo

Dum divorca debato ŝi plorante plendas:

- Mia edzo traktis min kiel hundon!

- Ĉu li batis vin?

- Ne, li volis, ke mi estu fidela!

Logiko

„Kial vi eksedziĝis kun via edzino?“

„Kaj kun kiu alia mi eksedziĝu?

Profete

Advokato: „Sinjoro Novák, kial vi deziras eksedziĝi kun via edzino?“

„Ĉar profetistino profetis al ŝi, ke ŝi frue vidviniĝos.“

Eksgeedziĝo kaj ĝino

Kruko kaj Jozefino manĝas kune en restoracio. Jozefino rimarkas ke Kruko daŭre observas virinon ĉe apuda tablo. Tiu virino estas jam tute ebria, kaj daŭre drinkas ĝinon.

Jozefino: Kial vi rigardas tiun virinon? Ĉu vi konas ŝin?
Kruko, kun iom da naŭzemo: Jes. Ĉu vi ne rekonas ŝin? Ŝi estas mia eksedzino. Ŝi komencis drinki tuj post nia eksgeedziĝo antaŭ dek du jaroj, kaj laŭdire ŝi neniam sobriĝis de post tiam.
Jozefino ekkrias: Nekredeble! Kiu kredus ke iu povus tiom longe daŭre celebri...!?

Timo

„Sinjoro advokato, mi volus divorci, sed diskrete.“

„Kion vi celas?“

„Nu, por ke mia edzino pri tio ne eksciu!“

Ŝerco

Ĉe eksedziĝa tribunalo: „Kiel vi volas pruvi, ke la edzo estas al vi malfidela?“

„Mi konstatis, ke eĉ la lasta infano ne estas lia.“

Advokato

Inter amikinoj: „Laŭdire vi eksedziniĝas, ĉu vi deziras advokaton? Mi havas unu konatulon.“

„Ne, mi havas jam instaliston.“

Decido

Unu tagon, edzo vere ne plu povas elteni sian aktualan vivon: sian edzinon, siajn infanojn, sia domon, sian laboron! Do, fine, li firme decidas forlasis ĉion. Li preparas valizon, kaj eliras la domon. Lia edzino alkuras ĝuste kiam li eniras la aŭtomobilon.

"Sed vi ne povas simple forlasi nin tiel!" ŝi plorĝemas. "Kio okazos pri mi?"

"Mi prifajfas!" respondas edzo.

"Kaj la infanoj?"

"Mi prifajfas! Remetu ilin tien de kie ili venis!"

"Kaj la domo?"

"Tio estis via ideo, ĉu ne? Do vi pagu la popartojn!"

"Kaj la aŭto?"

"Mi foriras per ĝi!"

Fine, ŝi ne plu havas argumentojn, do ŝi levas sian robon kaj diras: "Kaj tio ĉi, kion mi faru prie?"

Kruko rigardas, hezitas, kaj prenas la valizon el la aŭto. Li grumblas enirante la domon: "Ĉiukaze mi avertas vin, unu tagon aŭ alian mi forlasos vin!"

Kiel komenci la finon

--Amiko, imagu! Hieraŭ mi faris la unuan paŝon al la divorco -- diras en diboĉejo ulo al la alia.
-- Nu... nu ne diru! Ĉu vi dungis advokaton?
-- Ne, tute ne, sed mi... edziĝis.

Klara respondo

— Sinjoro advokato, mi volas disiĝi de mia edzino.

— Bone! Kaj pro kiu kaŭzo?

— Ĉar ni estas geedzoj!

Priparolado

- Incitas min, ke mia edzino daŭre parolas pri sia antaŭa edzo.

- Tio estas nenio! La mia paroladas pri sia estonta edzo!

Ĉu?

Manjo al Karlo: Vi memorigas min pri mia eksedzo.

Karlo (poste): Ŝi insultis min. es:divorcio