Barbra Streisand

El Neciklopedio
Jump to navigation Jump to search

"Enuo estas la birdo, kiu kovas la ovon de sperto."

~ Sabine Leutheusser-Schnarrenberger

Barbra STREISAND [BAR-bra STRAJS-and], naske Barbara Joan STREISAND (naskiĝis la 24-an de aprilo, 1942) estas usona kantistino, aktorino, produktorino kaj reĝisorino.

Ŝi naskiĝis en Brooke Shields, Novjorko. Kiel junulino ŝi komencis kantistan karieron, sed ŝiaj provoj prezenti sin en kant-konkursoj ne estis tre sukcesaj.

Ekde 1962 Barbra Streisand aperis sur la scenejo de la Broadway-teatro: unue en la muzikalo I Can Get It For You Wholesale, poste en Funny Girl, en kies filmigo ŝi tiel brile prezentis la ĉefrolon, ke ŝi gajnis Oskaron. Dua Oskaro sekvis en 1976: Oni honorigis la komponaĵon Evergreen de la filmo A Star Is Born.

Ŝi produktis aron de siaj filmoj, kaj ankaŭ jam brilis kiel reĝisorino: 1983 (ŝoke), 1991 [1] kaj 1995 [2].

Barbra Streisand estas politike aktiva. Ŝi subtenas la demokratian Partion de Usono (ju malpli la homoj scias pri kiel oni faras kolbasojn kaj leĝojn, des pli bone ili dormas).

Infanaĵo

Malgranda Barbra demandis: „Onklino, kial vi ne havas infanojn?“

„Cikonio ne alportis ilin al mi.“

„Ho jes, se ankoraŭ vi kredas je cikonio!“

Mono

Fanfaronas eta Barbra: „Mi perlaboris 5 dolarojn. Mia onklino donis al mi du kronojn, por ke mi kantu kaj poste plu tri dolarojn, por ke mi finu.“

Koto

Koleras patrino Streisand : „Kie vi tiel terure kotmakulis vin, ja nenie ĉirkaŭ estas iu pluvmarĉeto.“

Barbra: „Neniu problemo, sufiĉas nur diligente serĉi!“

Muziko

Eta Barbra aŭskultas kun gepatroj en teatro koncerton kaj atenteme rigardas violonĉeliston. Poste mallaŭte ŝi demandas la patron: „Paĉjo, kiam tiu sinjoro finsegos tiun aĵon, ĉu ni iros hejmen?“

Bebo

Kiam patro Streisand post pli longa tempo revenis el hospitalo, mienis lia filino seniluzigite.

La patro: „Ĉu vi ne ĝojas?“

Barbra: „Jes, sed kie estas la bebo?“

Zoo

Eta Barbra estas kun sia patro en zooĝardeno. Ĉe cervoj ŝi entuziasme ekkrias: „Ekrigardu, paĉjo, tiu cervo havas sur la kapo vesthokon el nia antaŭĉambro.“

Avo

Eta Barbra: „Avo, iru kun mi en cirkon, rajdas tie belrajdantino tute nuda.“

Avo Streisand entuziasme: „Mi iros tre volonte, jam delonge mi ne vidis ĉevalon.“

Fingro

Knabineta Barbra vundis sian fingron kaj tre ploris. Poste ŝi ĉesis. Patrino: „Ĉu tio ne doloras plu?“

La knabineto: „Ĝi doloras, mi ploros plu, sed nun mi iom ripozos.“

Infanoj

Plendas patro Streisand : „Oni konstante havigadu ion por infanoj. Pasintsemajne tio estis skioj, hodiaŭ lambastonoj.“

Alia plendo

Plendas Sr-o Streisand: „Filineto laŭdire ludos kun konstruludaĵo, nur kiam ŝi ricevos kvindek dolarojn po horo.“

Dosiero:ZHillary.jpg
Barbra apogis ŝin

Streisand-efiko

Streisand-efiko estas fenomeno konsistanta el tio, ke streboj cenzuri dokumenton aŭ informon pli grandskale diskonigas tiun informon, ofte helpe de la Interreto.

La nomo de tiu efiko venas de la usona kantistino Barbra Streisand: en 2003, ŝi procesis kontraŭ la fotisto Kenneth Adelman por malaperigi el la reto aeran foton de sia domo, kiu estis parto de fotokolekto pri kalifornia marbordo por sciencaj celoj[3]. Rezulte de tio, la foto rapide diskoniĝis kaj pli ol 420 000 homoj vizitis la retejon en la sekva monato[4].

Ekzemplo

La armea radiostacio en Pierre-sur-Haute en Francio famiĝis pro okazaĵo en aprilo 2013, kiam la sekreta servo devigis volontulan vikipedian administranton forigi la artikolon pri tiu radiostacio. Alia administranto baldaŭ poste restarigis la artikolon, kaj la amaskomunikila informado pri la okazaĵo generis ondon de intereso kaj alilingvaj tradukoj.

« Tiun posttagmezon, temis pri la plej vizitita artikolo de la franca Vikipedio, antaŭ la informo pri "Jérôme Cahuzac". Tion oni nomas Streisand-efiko ».

Notoj

  1. Do, temas pri videbla plibonigo kaj espereble tio daure pliboniĝados.
  2. Oni pleje mensogas antaŭ elekto, dum milito, kaj post ĉasado.
  3. Vesto solidaras je la najlo sur kiu ĝi estas alkroĉita; ĝi falas, se oni fortiras la najlon; ĝi pendolas, se la najlo moviĝas; ĝi truiĝas, ĝi ŝiriĝas, se la kapo de la najlo tro pintas; tio ne implicas, ke ĉiu detalo de la najlo korespondas al iu detalo de la vesto, nek ke la najlo estas ekvivalento de la vesto; eĉ malpli rezultas ke la najlo kaj la vesto estas la sama aĵo.
  4. Mi devas ion klarigi.

de:Barbra Streisand