Daniel

El Neciklopedio
(Alidirektita el Danielo)
Jump to navigation Jump to search

"Nur la unuaj 9-eldonoj de la Zagrebmeoda lernolibro estis inter 1980 kaj 1990 vendita je 40.000 ekzempleroj. "

~ Amos profete pri Esperanto
Dani.jpg

Danielo estas vira persona nomo. Ĝi originas el la hebrea lingvo דָּנִיּאל [danijel] (Dio estas mia juĝanto). La virina paro estas Daniela. Parenca nomo de Danielo estas Danilo.

Akvo

La patrino trovas Danielon, kiu staras nudpiede en pelvo plena je malvarma akvo.

"Kion ci faras?" - ekkrias ŝi.

"Mi? - respondas Daniel - "mi prenas malvarmumon por ne iri al la lernejo."

Hundo

- "Estas via tiu ĉi hundo, ĉu?" demandas Daniel al la barbiro, kiu tondas al li la harojn.

- "Jes, sinjoro."

- "Ĝi ŝajnas multe inteligenta... ĝi rigardas vin tiel interese!"

- "Ĉu vi scias kial? Ĉar kelkfoje falas kelkaj pecetoj da oreloj, kiujn ĝi multe avidas."

Plaĝo

Ĉe la marbanejo, inter edzo kaj edzino:

Daniel, ĉu vi ne faras banon hodiaŭ?

La maro estas tro maltrankvila; ĝi forportus min.

Ho kiel ĝi pentus!

Hida Danielo

Reĝo Daniel estis tiel malbela, ke por eviti al li la vidon de lia vizaĝo, oni forlevis el lia cambraro ĉiujn spegulojn.

Sed unu tagon, trovante sin antaŭ forgesita spegulo, la princo, kiu vidas sin tiel malbela, komencas plori senkonsole.

Do ankaŭ la ĉefservisto komencas plori pli laŭte ol li. Post kelkaj momentoj la princo kvietiĝas, sed la ĉefservisto daŭrigas plori per abundegaj, varmaj larmoj.

"Kial vi ploras dum mi komencas submetiĝi al mia sorto?"

"Pro tio" - respondas la grandveziro - "ke Via moŝto vidis sin nur unufoje kaj mi vidas Vin ĉiutage."

Ĉevalo

La aĉetanto furioze:

- Vi diris al mi ke tiu ĉi ĉevalo faris tridek kilometrojn ĉiuhore, kaj mi ne eĉ sukcesas farigi al ĝi kvin.

Daniel trankvile:

- Mi certigas vin ke tiu ĉi ĉevalo faris tridek kilometrojn ĉiuhore... sed en la vagonaro, kiu portis ĝin ĉi tien el Napolo.

Aĝo

En salono.

Sinjorino parolas pri sia aĝo:

Ĉu ne estas vere - ŝi diras al Daniel - ke mi havas apenaŭ tridek jarojn ? Vi scias tion.

Jes. Kiel mi ne povas tion scii ? Estas jam tiom da jaroj, ke vi diras al mi tion!

Daniela

Apotekisto mallaŭte al sia grasega edzino, kiu staras en la malantaŭa butiko:

- Daniela, ne venu, ne eniru en tiu ĉi momento! Mi estas vendonta ses botelojn de mia specialaĵo por malgrasigi.

Apetito

Bienulo promenante matenfrue laŭlonge kamparvojeto renkontas konatan almozulon, kiu diras al li:

Bonan tagon, sinjoro komandoro. Kia novajo, ke vi promenas tiel frue?

Mi promenas por vidi ĉu mi trovos iom da apetito por mia matenmanĝo. Kaj vi, Daniel, kion vi faras?

Ĝuste la kontraŭon: mi iras serĉante matenmanĝon por mia apetito.

es:Daniel